مرزا غالب

بنا کر فقیروں کا ہم بھیس غالب
تماشائے اہلِ کرم دیکھتے ہیں
لیے جاتی ہے کہیں ایک توقع غالب
جادۂِ رہ کششِ کافِ کرم ہے ہم کو
اس جور و جفا پر بھی بدظن نہیں ہم تجھ سے
کیا طرفہ تمنا ہے امیدِ کرم تجھ سے
چھوڑی اسدؔ نہ ہم نے گدائی میں دل لگی
سائل ہوئے تو عاشق اہلِ کرم ہوئے

انشاء اللہ خان انشا

تو انگلی کاٹ دانتوں میں پھلا نتھنے رہاندی ہو
لگا کہنے بس اب میرے بڑھاپے پر کرم کیجے
گاہے گاہے جو ادھر آپ کرم کرتے ہیں
وہ ہیں اٹھ جاتے ہیں یہ اور ستم کرتے ہیں
حضرت عشق ادھر کیجے کرم یا معبود
بال گوپال ہیں یاں آپ کے ہم یا معبود

بہادر شاہ ظفر

جن پہ ہوں ایسے ظلم و ستم ہم نہیں وہ لوگ
ہوں روز بلکہ لطف و کرم ایسے شخص ہیں

حیدر علی آتش

جلایا اور مارا حسن کی نیرنگ سازی نے
کبھی برق غضب اس کو کبھی ابرِ کرم پایا

داغ دہلوی

نہ ایمائے خواہش نہ اظہار مطلب
مرے منہ کو اہلِ کرم دیکھتے ہیں

مصحفی غلام ہمدانی

اتنے جو ہوئے ہیں ہم بد احوال
یہ حضرت عشق کا کرم ہے
تم بھی آؤگے مرے گھر جو صنم کیا ہو گا
مجھ پر اک رات کرو گے جو کرم کیا ہو گا

مصطفٰی خان شیفتہ

جب رقیبوں کا ستم یاد آیا
کچھ تمہارا بھی کرم یاد آیا

فیض احمد فیض

ہے وہی بات یوں بھی اور یوں بھی
تم ستم یا کرم کی بات کرو
کچھ ہمیں کو نہیں احسان اٹھانے کا دماغ
وہ تو جب آتے ہیں، مائل بہ کرم آتے ہیں

مرزا رفیع سودا

گدا دست اہلِ کرم دیکھتے ہیں
ہم اپنا ہی دم اور قدم دیکھتے ہیں

باقی صدیقی

جب کسی غم کا سوال آتا ہے
صورت اہلِ کرم دیکھتے ہیں
کس توقع پہ جئیں ہم نے دل
کون کرتا ہے کرم دیوانے
آپ کب ماول کرم نہ ہوئے
حادثات جہاں ہی کم نہ ہوئے

قمر جلالوی

پھونک اے آتشِ گل ورنہ تری بات گئی
آشیاں برق کا ممنونِ کرم ہوتا ہے

عرفان صدیقی

ان کا غم تو خیر پھر بھی ان کا غم ہے دوستو
ہم پہ تو دنیا کے ہر غم کا کرم ہے دوستو
جانے کیوں کوئی سندیسا نہیں لاتی پچھوا
کیا ہمیں بھول گئے اہلِ کرم دلی کے