افضل منہاس

مری طلب نے مرے ہاتھ توڑ ڈالے ہیں
بہت کڑا ہے یہ لمحہ مری انا کے لیے

اکبر حمیدی

کافر تھا میں خدا کا نہ منکر دعا کا تھا
لیکن یہاں سوال شکست انا کا تھا

احمد فراز

غیرتِ عشق سلامت تھی انا زندہ تھی
وہ بھی دن تھے کہ رہ و رسمِ وفا زندہ تھی

اقبال ساجد

مانگی نہیں کسی سے بھی ہمدردیوں کی بھیک
ساجدؔ کبھی خلاف انا کچھ نہیں کیا

شاذ تمکنت

جہاں میں رہ کے جہاں سے برابری کی یہ چوٹ
اک امتحان مسلسل مری انا کے لیے
یہ تیرا رنگِ سخن تیرا بانکپن اے شاذؔ
کہ شعر راس تو آئے انا بھی راس آئے

قتیل شفائی

اس دور میں توفیق انا دی گئی مجھ کو
کس جرم کی آخر یہ سزا دی گئی مجھ کو

محسن احسان

بجھا کے رکھ دے یہ کوشش بہت ہوا کی تھی
مگر چراغ میں کچھ روشنی انا کی تھی
بجز ذخیرۂ اوہام پاس کچھ بھی نہیں
یہ بات کاش وہ گرویدۂ انا سنتا