امام بخش ناسخ

سب کی سب کیا ہیں شبِ قدر ہماری راتیں
کٹتی ہیں آنکھوں ہی میں ہجر کی ساری راتیں
مرغ زرین فلک پر ہے یقین خفاش
کس قدر میرے دنوں میں ہوئیں ساری راتیں
ہے بری بات یہ اغیار سے باتیں کرنی
ورنہ اے جان تری اچھی ہیں ساری باتیں

مصحفی غلام ہمدانی

تیغ کو سان پہ رکھا تھا تبھی قاتل نے
گردن اپنی نہ ہوئی تھی ابھی ساری تیار

عرفان صدیقی

وہ شکاری ہی سہی، سودا خسارے کا نہ تھا
کھول دی اس نے کمند اور یاد ساری لے گیا

احمد فراز

بظاہر ایک ہی شب ہے فراقِ یار مگر
کوئی گزارنے بیٹھے تو عمر ساری لگے

قتیل شفائی

پریشاں رات ساری ہے ستارو تم تو سو جاؤ
سکوتِ مرگ طاری ہے ستارو تم تو سو جاؤ

ناصر کاظمی

کیسے کیسے بوٹے نکلے
لال ہوئی جب ساری مٹی