امام بخش ناسخ

جسم ایسا گھل گیا ہے مجھ مریضِ عشق کا
دیکھ کر کہتے ہیں سب تعویذ ہے بازو نہیں

انشاء اللہ خان انشا

وہ کر پنجا انشاؔ سے بولے کہ واہ
اسی زورِ بازو پہ اتنا گھمنڈ

مصحفی غلام ہمدانی

گر مرثیہ خوانی پہ دل آوے کبھی میرا
تو ہووے تو داؤد کو بازو نہ کروں میں

میر انیس

نزع میں ہوں مری مشکل کرو آساں یاروں
کھولو تعویذِ شفا جلد مرے بازو سے

بشیر بدر

وقت رخصت کہیں تارے کہیں جگنو آئے
ہار پہنانے مجھے پھول سے بازو آئے

شاد عظیم آبادی

پرِ پرواز نکلنے دے قفس میں صیاد
کام دے گا یہی ٹوٹا ہوا بازو اپنا
جامِ مے دیکھ کے جاتا رہا قابو اپنا
لڑکھڑاتا ہوں پکڑ لے کوئی بازو اپنا

اقبال ساجد

ابھی کس منہ سے میں دعویٰ کروں شاداب ہونے کا
ابھی ترشے ہوئے شانے پہ بازو بھی نہیں نکلا