انشاء اللہ خان انشا

وہ پری ہی نہیں کچھ ہو کے کڑی مجھ سے لڑی
آنکھ نرگس سے بھی دو چار گھڑی مجھ سے لڑی

شیخ ابراہیم ذوق

کوئی گھڑی اگر وہ ملایم ہوئے تو کیا
کہہ بیٹھیں گے پھر ایک کڑی دو گھڑی کے بعد

بیان میرٹھی

نگاہ شوق سے سینہ چرایا
ہماری چوٹ تم سے بھی کڑی ہے

احمد راہی

جس نے مر مر کے گزاری ہو یہ اس سے پوچھو
ہجر کی رات بھلا کتنی کڑی ہوتی ہے

سیف الدین سیف

نہیں امید کہ ہم آج کی سحر دیکھیں
یہ رات ہم پہ کڑی ہے ذرا ٹھہر جاؤ

احمد فراز

ایسے چپ ہیں کہ یہ منزل بھی کڑی ہو جیسے
تیرا ملنا بھی جدائی کی گھڑی ہو جیسے

قابل اجمیری

کچھ دیر کسی زلف کے سائے میں ٹھہر جائیں
قابلؔ غمِ دوراں کی ابھی دھوپ کڑی ہے