انشاء اللہ خان انشا

دو گلابی لا کے ساقی نے کہا انشاؔ کو رات
زعفرانی میرا حصہ ارغوانی آپ کی

حیدر علی آتش

وہی دے گا کباب نرگسی بھی
جو دیتا ہے شراب ارغوانی
وہ میکش ہوں دیا ہے قابلہ نے
جسے غسل شراب ارغوانی

عبدالحمید عدم

عدمؔ بہار کے موسم نے خودکشی کر لی
کھلا جو رنگ کسی جسم ارغوانی کا

اختر شیرانی

لا پلا ساقی شراب ارغوانی پھر کہاں
زندگانی پھر کہاں ناداں جوانی پھر کہاں
سرور آرا شراب ارغوانی اب بھی ہوتی ہے
مرے قدموں میں دنیا کی جوانی اب بھی ہوتی ہے
سمجھتا ہے شکست توبہ اشک توبہ کو زاہد
مری آنکھوں کی رنگت ارغوانی اب بھی ہوتی ہے