مرزا غالب

یہ کہاں کی دوستی ہے کہ بنے ہیں دوست نا صح
کوئی چارہ ساز ہوتا، کوئی غم گسار ہوتا

فیض احمد فیض

تری کج ادائی سے ہار کے شبِ انتظار چلی گئی
مرے ضبطِ حال سے روٹھ کر مرے غم گسار چلے گئے

اختر شیرانی

شریک سوز ہیں پروانے شمع کے اخترؔ
ہمارے دل کا مگر کوئی غم گسار نہیں

احمد راہی

ہوا ہے جن کے کرم سے دل و نظر کا زیاں
بہ فیض وقت مرے غم گسار وہ بھی ہیں

شاد عظیم آبادی

نہ دل اپنا نہ غم اپنا نہ کوئی غم گسار اپنا
ہم اپنا جانتے ہر چیز کو ہوتا جو یار اپنا
اگر قاصد حقیقت میں پیام وصل لایا ہے
تو کیوں آنسو بھرے منہ دیکھتا ہے غم گسار اپنا

فانی بدایونی

غم ہی جی کا دشمن تھا غم سے دور رہتے تھے
غم ہی رہ گیا آخر ایک غم گسار اپنا
دل مرحوم کو خدا بخشے
ایک ہی غم گسار تھا نہ رہا

شاذ تمکنت

کسے جرأت تسلی کہ وہ بات ہی تھی ایسی
شبِ انتظار چپ تھی مرے غم گسار چپ تھے

میرا جی

ہائے ہو میں ہر ایک کھویا ہے
کون یاں غم گسار ہے اپنا

ناصر کاظمی

نہ تنگ کر دلِ محزوں کو اے غمِ دنیا
خدائی بھر میں یہی غم گسار اپنا ہے