انشاء اللہ خان انشا

ہر رات مچاتے پھریں ہیں شوق سے دھومیں
یہ مستِ مئے عشق ہیں کب خوف عسس میں

مرزا رفیع سودا

اے دیدہ خانماں تو ہمارا ڈبو سکا
لیکن غبار یار کے دل سے نہ دھو سکا
مبادا ہو کوئی ظالم ترا گریباں گیر
مرے لہو کو تو دامن سے دھو ہوا سو ہوا

عبدالحمید عدم

ہم نے حسرتوں کے داغ آنسوؤں سے دھو لیے
آپ کی خوشی حضور بولئے نہ بولئے

بشیر بدر

ریت بھری ہے ان آنکھوں میں آنسو سے تم دھو لینا
کوئی سوکھا پیڑ ملے تو اس سے لپٹ کے رو لینا

جلیل مانک پوری

بہا کر خون میرا مجھ سے بولے
کہ لے جینے سے اپنے ہاتھ دھو لے

شاد عظیم آبادی

اشک ریزی کے دھڑلے نے غبار
جب ذرا بھی دل پہ دیکھا دھو دیا

شان الحق حقی

کب مجھے دعوی عصمت ہے مگر یاد اس کی
جب بھی آ جاتی ہے دامن مرا دھو جاتی ہے

اقبال ساجد

لگ چکے ہیں دامنوں پر جتنے رسوائی کے داغ
ان کو آنسو کیا سمندر تک بھی دھو سکتا نہیں

امیر مینائی

کیوں کرتے ہیں غمگسار تکلیف
آنسو مرے منہ کو دھو رہے ہیں

مجروح سلطان پوری

کبھی تو یوں بھی امنڈتے سرشکِ غم مجروحؔ
کہ میرے زخمِ تمنا کے داغ دھو دیتے

محسن نقوی

بغاوت کر کے خود اپنے لہو سے
غلامی داغ اپنے دھو رہی تھی