انشاء اللہ خان انشا

میاں چشم جادو پہ اتنا گھمنڈ
خط و خال و گیسو پہ اتنا گھمنڈ

مصحفی غلام ہمدانی

گر حور و پری دل کو لبھاوے مرے آ کر
واللہ کہ اس پر کبھی جادو نہ کروں میں

باقی صدیقی

زخم بھر جائیں گے بھرتے بھرتے
زندگی سب سے بڑا جادو ہے

جون ایلیا

یاد آتے ہیں معجزے اپنے
اور اس کے بدن کا جادو بھی

عرفان صدیقی

ہم سخن ہوتا ہے صحرا کا وہ آہو ہم سے
پوچھئے دور کی آواز کا جادو ہم سے

اکبر معصوم

سن! ہجر اور وصال کا جادو کہاں گیا
میں تو کہیں نہیں تھا مگر تو کہاں گیا

بشیر بدر

اس کی باتیں کہ گل و لالہ پہ شبنم برسے
سب کو اپنانے کا اس شوخ کو جادو آئے

شاد عظیم آبادی

اس نے پھر کر بھی نہ دیکھا کہ یہ ہے کون بلا
ہم کو تھا زعم کہ چل جائے گا جادو اپنا

شان الحق حقی

صدقے میں ان آنکھوں کے
سیکھ گیا جادو بھی میں

اقبال ساجد

تری بھی حسنِ کاری کے ہزاروں لوگ ہیں قائل
گلی کوچوں سے لیکن اس کا جادو بھی نہیں نکلا

قیوم نظر

گھپ اندھیرے کا جل رہا ہے چراغ
روشنی کا عجیب جادو ہے