انشاء اللہ خان انشا

نسیم گل اس زلف میں ہو تو آ
نہ کر اپنی خوشبو پہ اتنا گھمنڈ

باقی صدیقی

کس کی آمد ہے چمن میں باقیؔ
اجنبی اجنبی سی خوشبو ہے

عرفان صدیقی

لیے پھرتی تھی کسی شہرِ فراموشی میں
رات پھر کھیل رہی تھی تری خوشبو ہم سے

مصطفیٰ زیدی

جب ہوا شب کو بدلتی ہوئی پہلو آئی
مدتوں اپنے بدن سے تری خوشبو آئی

اختر شیرانی

مٹ چلے میری امیدوں کی طرح حرف مگر
آج تک تیرے خطوں سے تری خوشبو نہ گئی
ترے گیسوئے معنبر کو کبھی چھیڑا تھا
میرے ہاتھوں سے ابھی تک تری خوشبو نہ گئی

بشیر بدر

کہاں سے آئی یہ خوشبو یہ گھر کی خوشبو ہے
اس اجنبی کے اندھیرے میں کون آیا ہے
میری آنکھوں میں ترے پیار کا آنسو آئے
کوئی خوشبو میں لگاؤں تری خوشبو آئے

ضیا جالندھری

رنگ باتیں کریں اور باتوں سے خوشبو آئے
درد پھولوں کی طرح مہکے اگر تو آئے

عبید اللہ علیم

نیند آنکھوں سے اڑی پھول سے خوشبو کی طرح
جی بہل جائے گا شب سے ترے گیسو کی طرح

احمد فراز

شرط ہے شدتِ احساس جمال
رنگ تو رنگ ہے خوشبو چمکے
یوں ان لبوں کے مس سے معطر ہوں جس طرح
وہ نو بہارِ ناز تھا خوشبو پیے ہوئے

اقبال ساجد

گھروں سے کس لیے یہ بھیڑ سڑکوں پر نکل آئی
ابھی تو بانٹنے وہ شخص خوشبو بھی نہیں نکلا

قیوم نظر

شہر میں رنگ ہے نہ خوشبو ہے
پھر بھی چرچا اسی کا ہر سو ہے