انشاء اللہ خان انشا

گتھی ان سروں ہی میں آ گئی مجھے اک عروس کے باس سے
ابھی انشاؔ اپنا ہو بس اگر تو لپٹ ہی جاؤں بہاگ سے

شکیب جلالی

کانٹوں کی باڑ پھاند گیا تھا مگر‘ شکیبؔ
رستہ نہ مل سکا مجھے پھولوں کی باس میں
اتر گیا تنِ نازک سے پتیوں کا لباس
کسی کے ہاتھ نہ آئی مگر گلاب کی باس

غلام محمد قاصر

جن کی درد بھری باتوں سے ایک زمانہ رام ہوا
قاصرؔ ایسے فن کاروں کی قسمت میں بن باس رہا

رسا چغتائی

سایۂ گل تو میں نہیں جس نے
گل کو دیکھا نہ گل کو باس کیا

شاذ تمکنت

روح کے دشت میں اک ہو کا سماں ہے اے شاذؔ
دے گیا کون بھرے شہر میں بن باس مجھے

محسن نقوی

فضا کا حبس شگوفوں کو باس کیا دے گا
بدن دریدہ کسی کو لباس کیا دے گا

ناصر کاظمی

کوئی رہ رہ کے یاد آتا ہے
لیے پھرتی ہے کوئی باس اداس
سوکھے پتوں کو دیکھ کر ناصر
یاد آتی ہے گل کی باس بہت