انشاء اللہ خان انشا

صاحب کے ہرزہ پن سے ہر ایک کو گلہ ہے
میں جو نباہتا ہوں میرا ہے حوصلہ ہے

داغ دہلوی

قصور تیری نگہ کا ہے کیا خطا اس کی
لگاوٹوں نے بڑھا یا ہے حوصلہ دل کا

فیض احمد فیض

ہمت التجا نہیں باقی
ضبط کا حوصلہ نہیں باقی

یگانہ چنگیزی

گلہ کسے ہے کہ قاتل نے نیم جاں چھوڑا
تڑپ تڑپ کے نکالوں گا حوصلہ دل کا
پیالہ خالی اٹھا کر لگا لیا منہ سے
کہ یاسؔ کچھ تو نکل جائے حوصلہ دل کا

جمال احسانی

آبادیوں سے گئے ہوؤں کو
صحراؤں نے حوصلہ دیا ہے

ادا جعفری

جب دل کی رہ گزر پہ ترا نقشِ پا نہ تھا
جینے کی آرزو تھی مگر حوصلہ نہ تھا
میں آندھیوں کے پاس تلاش صبا میں ہوں
تم مجھ سے پوچھتے ہو مرا حوصلہ ہے کیا

زہرا نگاہ

رک جا ہجومِ گل کہ ابھی حوصلہ نہیں
دل سے خیال تنگی داماں گیا نہیں

عالم تاب تشنہ

عہد کم کوشی میں یہ بھی حوصلہ میں نے کیا
شہر کے سب بند دروازوں کو وا میں نے کیا

عبید اللہ علیم

تم مر گئے حوصلہ تمہارا
زندہ ہوں میں یہ میرا حوصلہ ہے