انشاء اللہ خان انشا

بارِ گراں اٹھانا کس واسطے عزیزو
ہستی سے کچھ عدم تک تھوڑا ہی فاصلہ ہے

حیدر علی آتش

کون سے دن ہاتھ میں آیا مرے دامان یار
کب زمین و آسماں کا فاصلہ جاتا رہا

باقی صدیقی

آپ بیٹھے ہیں درمیاں ورنہ
مرگ و ہستی میں فاصلہ کیا ہے
بہت قریب سے آواز ایک آئی تھی
مگر چلے تو بڑا فاصلہ نظر آیا

ادا جعفری

دامان چاک چاک گلوں کو بہانہ تھا
ورنہ نگاہ و دل میں کوئی فاصلہ نہ تھا

سدرشن فاکر

تیرے جانے میں اور آنے میں
ہم نے صدیوں کا فاصلہ دیکھا

عبید اللہ علیم

شاید کہ خدا میں اور مجھ میں
اک جست کا اور فاصلہ ہے