بہادر شاہ ظفر

محبت چاہیے باہم ہمیں بھی ہو تمہیں بھی ہو
خوشی ہو اس میں یا ہو غم ہمیں بھی ہو تمہیں بھی ہو

داغ دہلوی

آئینہ ہے اور وہ ہیں دیکھیے
فیصلہ دونوں یہ باہم کیا کریں

ظہیر کاشمیری

قریب آتے مگر کچھ فاصلہ بھی درمیاں رہتا
کمی یہ رہ گئی ہے باوجود ربطِ باہم بھی

حفیظ ہوشیارپوری

دلوں کی الجھنیں بڑھتی رہیں گی
اگر کچھ مشورے باہم نہ ہوں گے

رسا چغتائی

ہر ساز جدا کیوں ہوتا ہے
کیوں سنگت باہم رہتی ہے

فانی بدایونی

کاش پوچھو تو کچھ بتائیں ہم
حاصل شکوہ ہائے باہم کیا