بہادر شاہ ظفر

لیتا ہی رہا رات ترے رخ کی بلائیں
تو پوچھ لے یہ زلف پریشان ہے موجود

داغ دہلوی

سودائیان زلف میں کچھ تو لٹک بھی ہو
جنت میں جائیے تو پریشان جائیے
دل پریشان ہوا جاتا ہے
اور سامان ہوا جاتا ہے
لو اور سنو کہتے ہیں وہ دیکھ کے مجھ کو
جو حال سنا تھا وہ پریشان نہیں دیکھا

مصحفی غلام ہمدانی

اے پریشانی زلف صنم کافر کیش
کیجیو تو نہ مرے دل کو پریشان کہیں

مرزا رفیع سودا

برہم کرے جمعیت کونین جو پل میں
لٹکا وہ تری زلف پریشان میں دیکھا

عرفان صدیقی

اس بار یوں ہوا کہ اندھیروں کی فوج کو
دو چار جگنوؤں نے پریشان کر دیا
کچھ نہ کچھ بھول تو ہو جاتی ہے انسان جو ہیں
یاد وہ بھی نہیں آتا ہے پریشان جو ہیں

جمال احسانی

یہ بات آتے ہوئے سوچتا نہیں کوئی
کہ سب یہاں سے پریشان جایا کرتے ہیں

اکبر معصوم

مجھ کو جس ناؤ میں آنا تھا کہیں ڈوب گئی
خواب ہے نیند کے ساحل پہ پریشان مرا

جلیل مانک پوری

بگڑنے میں زلف رسا کی بن آئی
لیے رخ کے بوسے پریشان ہو کر

حسرت موہانی

دنیا ہے کہ ان کے رخ و گیسو پہ مٹی ہے
حیران ہزاروں ہیں پریشان ہزاروں

سیف الدین سیف

ہے سیفؔ بس اتنا ہی تو افسانۂ ہستی
آئے تھے پریشان پریشان گئے ہم
تیری زلفوں کو چھیڑتی تھی صبا
خود پریشان ہو گئی ہو گی

شکیل بدایونی

قصر ویران ہوا جاتا ہے
دل پریشان ہوا جاتا ہے

احمد فراز

اتنے سکوں کے دن کبھی دیکھے نہ تھے فراز
آسودگی سے مجھ کو پریشان کر دیا

قتیل شفائی

آؤ کوئی تفریح کا سامان کیا جائے
پھر سے کسی واعظ کو پریشان کیا جائے

ناصر کاظمی

یک بیک آ کے دکھا دو جھمکی
کیوں پھراتے ہو پریشان مجھے