مرزا غالب

گو میں رہا رہینِ ستم ہائے روزگار
لیکن ترے خیال سے غافل نہیں رہا
رفوئے زخم سے مطلب ہے لذت زخمِ سوزن کی
سمجھیو مت کہ پاسِ درد سے دیوانہ غافل ہے

بہادر شاہ ظفر

نگہِ یار کو اب کیوں ہے تغافل اے دل
وہ ترے حال سے غافل کبھی ایسی تو نہ تھی

حیدر علی آتش

طرفہ رکھتی ہے خرابات مغاں کیفیت
ہوشیار آ کے ہے اس بزم سے غافل جاتا

جگر مراد آبادی

اے ہجوم ناامیدی شاد باش و زندہ باش
تو نے سب سے کر دیا بیگانہ و غافل مجھے

بہزاد لکھنوی

ہوش اس کے ہیں یہ جام اس کا ہے تو ہے اس کا
مے کدے میں ترے جو شخص بھی غافل ہو جائے

شکیل بدایونی

فریب محبت سے غافل نہیں ہوں
جو مست جنوں ہو وہ دل نہیں ہوں

امیر مینائی

دنیا میں پری زاد دیے خلد میں حوریں
بندوں سے وہ اپنے کبھی غافل نہیں ہوتا