مرزا غالب

درماندگی میں غالب کچھ بن پڑے تو جانوں
جب رشتہ بے گرہ تھا، ناخن گرہ کشا تھا
پھر ہوا وقت کہ ہو بال کشا موجِ شراب
دے بطِ مے کو دل و دستِ شنا موجِ شراب
بس کہ دوڑے ہے رگِ تاک میں خوں ہوہوکر
شہپرِ رنگ سے ہے بال کشا موجِ شراب
ہوش اڑتے ہیں مرے ، جلوۂِ گل دیکھ، اسدؔ
پھر ہوا وقت، کہ ہو بال کشا موجِ شراب
تمثال میں تیری ہے وہ شوخی کہ بصد ذوق
آئینہ بہ اند ازِ گل آغوش کشا ہے

مصحفی غلام ہمدانی

ترے گیسوؤں میں جو جاتی ہے تو مرا ہی حال کہہ آتی ہے
مری خصم جاں بھی تو اس قدر یہ نسیم نافہ کشا نہیں
یہ کیا ہے کہ مجھ پر مرا عقدہ نہیں کھلتا
ہر چند کہ خود عقدہ و خود عقدہ کشا ہوں

میر انیس

کھلے گا حال انہیں جب کہ آنکھ بند ہوئی
جو لوگ الفت مشکل کشا نہیں رکھتے

جون ایلیا

ہوں مبتلائے یقیں میری مشکلیں مت پوچھ
گمان عقدہ کشا بھی نہیں رہا اب تو

مجروح سلطان پوری

پکاریے کفِ قاتل کو اب معالج دل
بڑھے جو ناخن خنجر گرہ کشا کہیے

ناصر کاظمی

آرائشِ خیال بھی ہو دل کشا بھی ہو
وہ درد اب کہاں جسے جی چاہتا بھی ہو