بہادر شاہ ظفر

دل کا سودا اک نگہ پر ہے تری ٹھہرا ہوا
نرخ تو کیا پوچھتا ہے اب تو قیمت کھل گئی

عرفان صدیقی

حکم یہ ہے کہ مجھے دشت کی قیمت دی جائے
میرے زنداں کے در و بام کو وسعت دی جائے

فانی بدایونی

لو تبسم بھی شریک نگہِ ناز ہوا
آج کچھ اور بڑھا دی گئی قیمت میری

فراق گورکھپوری

نقدِ جاں کیا ہے زمانے میں محبت ہمدم
نہیں ملتی کسی قیمت مجھے معلوم نہ تھا

کلیم عاجز

ہر چند غم و درد کی قیمت بھی بہت تھی
لینا ہی پڑا دل کو ضرورت بھی بہت تھی

محبوب خزاں

کون دکھائے مجھے شام سے کتنی حسیں
کون بتائے مجھے وقت کی قیمت ہے کیا