بہادر شاہ ظفر

تھی اسیرانِ قفس کو آرزو پرواز کی
کھل گئی کھڑکی قفس کی کیا کہ قسمت کھل گئی

داغ دہلوی

کوئی دشمن کو یوں نہ دیکھے گا
جیسے قسمت کو دیکھتا ہوں میں
غیر بھی روتے ہیں تیرے عشق میں
کیا مری قسمت کی قسمت ہو گئی
یقیں تو یہ ہے وہ خط کا جواب لکھیں گے
مگر نوشتۂِ قسمت کسی کو کیا معلوم

جون ایلیا

اے خدا جو کہیں نہیں موجود
کیا لکھا ہے ہماری قسمت میں

جمال احسانی

پچھلی رات کے قہر سے پہلے کی ہے بات جمال
اپنی جھولی میں تھے چند ستارے قسمت والے

جلیل مانک پوری

روز وہ خواب میں آتے ہیں گلے ملنے کو
میں جو سوتا ہوں تو جاگ اٹھتی ہے قسمت میری

شاد عظیم آبادی

ہمارا کلبۂ احزاں ہے ہم ہیں یا کتابیں ہیں
رہا باقی نہ کوئی ہم نشیں اب اپنی قسمت کا

فانی بدایونی

ساری دنیا سے انوکھی ہے زمانے سے جدا
نعمت خاص ہے اللہ رے قسمت میری

فراق گورکھپوری

''ہرچہ بادا باد'' کے نعروں سے دنیا کانپ اٹھی
عشق کے اتنا کوئی برگشتہ قسمت بھی تو ہو