حیدر علی آتش

سانپ کے کاٹے کی لہریں ہیں شب و روز آتیں
کاکل یار کے سودے نے اذیت دی ہے

قمر جلالوی

دل ہی پر موقوف کیا او نا شناس دردِ دل!
کوئی بھی تڑپا نہیں کرتا اذیت کے بغیر

شاد عظیم آبادی

جسے پالا تھا اک مدت تک آغوش تمنا میں
وہی بانی ہوا میرے غم و درد و اذیت کا

شاذ تمکنت

بچھڑ کر تجھ سے ملنے کی مسرت بھول جاتا ہوں
کہ مل کر پھر بچھڑنے کی اذیت ایسی ہوتی ہے

محسن احسان

فقط کاغذ پہ لکھا بار اذیت اترا
جب غزل کہہ لی تو زنگار طبعیت اترا

میرا جی

زندگی ایک اذیت ہے مجھے
تجھ سے ملنے کی ضرورت ہے مجھے