حیدر علی آتش

قصۂِ سلسلۂِ زلف نہ کہنا بہتر
پیچ در پیچ ہے خاموش ہی رہنا بہتر
نفسِ امارہ سا رکھتا ہے یہ سرکش دشمن
آدمی کے لیے غافل نہیں رہنا بہتر

اختر حسین جعفری

یوں نشیمن نہیں ہر روز اٹھائے جاتے
اسی گلشن میں اسی ڈال پہ رہنا اچھا
دھوپ اس حسن کی یک لحظہ میسر تو ہوئی
پھر نہ تا عمر لگا سائے میں رہنا اچھا
ہجر اک حسن ہے اس حسن میں رہنا اچھا
چشم بے خواب کو خوں ناب کا گہنا اچھا

جمال احسانی

اللہ کی زمین بڑی ہے بہت جمالؔ
عزت نہیں جہاں وہاں رہنا بھی چھوڑ دے