مرزا غالب

شب کہ برقِ سوزِ دل سے زہرۂِ ابر آب تھا
شعلۂِ جوالہ ہر اک حلقۂِ گرداب تھا

حیدر علی آتش

ہوں تصور میں صفائے بدن یار کے غرق
حلقۂِ ناف ہوا حلقۂِ گرداب مجھے

میر مہدی مجروح

اپنی کشتی کا ہے خدا حافظ
پیچھے طوفاں ہے سامنے گرداب

مرزا رفیع سودا

یوں دیکھ مرے دیدۂ پر آب کی گردش
دریا میں ہو جس طرح سے گرداب کی گردش
مرتا ہوں ترے واسطے روتا ہوں زبس یار
ہے سیل مری چشم میں گرداب کی گردش

شکیب جلالی

غم کی بس ایک موج نے جن کو ڈبو دیا
اے کاش وہ بھی حلقہِ گرداب دیکھتے