حیدر علی آتش

کعبۂِ مدِ نظر قبلہ نما ہے تا حال
کوئے جاناں کی طرف دل نگراں ہے کہ جو تھا

جگر مراد آبادی

جب کوئی حادثۂ کون و مکاں ہوتا ہے
ذرہ ذرہ میری جانب نگراں ہوتا ہے
جلوے بیتاب تھے جو پردۂ فطرت میں جگرؔ
خود تڑپ کر مری چشم نگراں تک پہنچے

شکیب جلالی

یہ سمجھتے ہوئے ‘ مقصودِ نظر ہے تو ہی
میں ترے حسن کی جانب نگراں کیوں نہ ہوا
جاؤں گا کہاں توڑ کے زنجیرِ وفا کو
ہر سو مری جانب نگراں ہیں تری آنکھیں
نادان گھٹاؤں کے طلب گار ہوئے ہیں
شعلوں کو بنا کر نگراں موسمِ گل کا

عرفان صدیقی

تو نے جب آنکھ جھکائی تو یہ محسوس ہوا
دیر سے ہم تری جانب نگراں تھے کتنے

ضیا جالندھری

شفق صبح سے تابندہ سمن زار سے پوچھ
رات کاٹی سوئے گردوں نگراں بھی ہم نے

عالم تاب تشنہ

اب بھی وہ جشنِ طرب ہے کہ نہیں مقتل میں
اک تماشے کو ہجوم نگراں ہے کہ نہیں

ماجد صدیقی

دلِ ناداں کی پیمبر ہیں انہیں دیکھ ذرا
ہے کوئی غم تری جانب نگراں آنکھوں میں

جوش ملیح آبادی

سخت حیراں ہوں کہ اس کفر کے جنگل میں بھی جوشؔ
چشم یزداں مری جانب نگراں ہے اب تک

احمد فراز

جیسے یادوں کا دریچہ کوئی وا رہ جائے
اک ستارہ مری جانب نگراں خواب میں تھا

فراق گورکھپوری

رات بھر حسن پر آئے بھی گئے سو سو رنگ
شام سے عشق ابھی تک نگراں ہے کہ جو تھا

کلیم عاجز

گوشۂ امن نہیں آج بھی بلبل کو نصیب
چشم صیاد بہر سو نگراں آج بھی ہے

مجروح سلطان پوری

مجروحؔ کہاں سے گہر گندم و جو لائیں
اپنی تو گرہ میں یہی چشم نگراں ہے