حیدر علی آتش

لکھا ہے عاشقوں میں اپنے تو نے جس کا نام
پھر اس کا چہرہ نہیں عمر بھر بحال ہوا

مرزا رفیع سودا

ملنے کا ایک دم بھی یاں ضعف دل ہے مانع
اکتا کے اٹھ گیا وہ تب میں بحال آیا

جون ایلیا

خار بہ خار گل بہ گل فصلِ بہار آ گئی
فصلِ بہار آ گئی زخم بحال ہو گئے

عبدالحمید عدم

مے کدے میں نہ بیٹھیے تاہم
کچھ طبیعت بحال کر چلئے

اختر حسین جعفری

شاخ تنہائی سے پھر نکلی بہار فصل ذات
اپنی صورت پر ہوئے ہم پھر بحال اس کے لیے

غلام محمد قاصر

خوشی اسی کی ہمیشہ نظر میں رہتی تھی
اور اپنی قوت غم بھی بحال رکھتے تھے

احمد فراز

بھلے دنوں کا بھروسا ہی کیا رہیں نہ رہیں
سو میں نے رشتۂ غم کو بحال رکھا ہے

محبوب خزاں

خط جو آیا ہے انہیں کا ہو گا
ہاں ذرا آج طبیعت تھی بحال

میرا جی

وہ درد جو لمحہ بھر رکا تھا
مژدہ کہ بحال ہو گیا ہے