حیدر علی آتش

آبلے پاؤں کے کیا تو نے ہمارے توڑے
خار صحرائے جنوں عرش کے تارے توڑے
شربت وصل ہے تنقید کی خاطر موجود
تپ ہجر آ کے بدن کو نہ ہمارے توڑے
خوب روئے حال پر اپنے وطن کا سن کے حال
کوئی غربت میں جو آ نکلا ہمارے شہر سے

فیض احمد فیض

عمر جاؤید کی دعا کرتے
فیض اتنے وہ کب ہمارے تھے

باقی صدیقی

نذر دنیا ہوئے ارمان ہمارے کتنے
دیکھتے دیکھتے ٹوٹے ہیں ستارے کتنے
چل دیے چھوڑ کے احباب ہمارے کتنے
وقت نے چھین لیے دل کے سہارے کتنے

عرفان صدیقی

شمعِ تنہا کی طرح، صبح کے تارے جیسے
شہر میں ایک ہی دو ہوں گے ہمارے جیسے

ضیا جالندھری

دل کو خوں کرنے کی حسرت ہو اسے بھی شاید
صاحب سادہ اگر رنگ ہمارے دیکھے

تلوک چند محروم

محرومؔ کیا کلام بھی اپنا فنا ہوا
کیوں ہم کو کھو کے دوست ہمارے اداس ہیں

حفیظ جالندھری

تم سے بھی جن کا عہدِ وفا استوار تھا
اے دشمنوں وہ دوست ہمارے کہاں گئے

سیف الدین سیف

شام وصال خانۂ غربت سے روٹھ کر
تم کیا گئے نصیب ہمارے چلے گئے
دشمن گئے تو کشمکش دوستی گئی
دشمن گئے کہ دوست ہمارے چلے گئے

احمد فراز

وہ جو آ جاتے تھے آنکھوں میں‌ ستارے لے کر
جانے کس دیس گئے خواب ہمارے لے کر
ہونٹ ہیروں سے نہ چہرہ ہے ستارے کی مثال
‮پھر بھی لادے تو کوئی دوست ہمارے کی مثال
ہم سے کہیں کچھ دوست ہمارے مت لکھو
جان اگر پیاری ہے پیارے مت لکھو
کچھ اعزاز رسیدہ ہم سے کہتے ہیں
اپنی بیاض میں نام ہمارے مت لکھو