حیدر علی آتش

آبلے پاؤں کے کیا تو نے ہمارے توڑے
خار صحرائے جنوں عرش کے تارے توڑے

فیض احمد فیض

میرے دامن میں آگرے سارے
جتنے طشت فلک میں تارے تھے

عرفان صدیقی

شمعِ تنہا کی طرح، صبح کے تارے جیسے
شہر میں ایک ہی دو ہوں گے ہمارے جیسے

ضیا جالندھری

آسرے جاتے رہے آس ابھی باقی ہے
پو بھی پھوٹے گی جہاں ڈوبتے تارے دیکھے

شکیل بدایونی

آنکھوں سے دور صبح کے تارے چلے گئے
نیند آ گئی تو غم کے نظارے چلے گئے
شبِ غم کی تیرگی میں مری آہ کے شرارے
کبھی بن گئے ہیں آنسو کبھی بن گئے ہیں تارے

ناصر کاظمی

آنکھ کا تارا آنکھ میں ہے
اب نہ گنیں گے تارے ہم