حیدر علی آتش

کنج عزلت میں بٹھایا ہے خدا نے آتشؔ
اب جو تم یاں سے ہلے پاؤں تمہارے توڑے
اک نظر للہ ہم کو صورت زیبا دکھاؤ
تشنۂِ دیدار جاتے ہیں تمہارے شہر سے

فیض احمد فیض

ہم نے سب شعر میں سنوارے تھے
ہم سے جتنے سخن تمہارے تھے

عرفان صدیقی

سخت جاں ہم سا کوئی تم نے نہ دیکھا ہو گا
ہم نے قاتل کئی دیکھے ہیں تمہارے جیسے

ضیا جالندھری

دل پہ اس وقت کھلا حوصلۂ غم کا جمال
اپنے ہر رنگ میں جب روپ تمہارے دیکھے

سیف الدین سیف

شاید تمہارے ساتھ بھی واپس نہ آ سکیں
وہ ولولے جو ساتھ تمہارے چلے گئے

عزیز حامد مدنی

خوں ہوا دل کہ پشیمان صداقت ہے وفا
خوش ہوا جی کہ چلو آج تمہارے ہوئے لوگ

احمد فراز

ایسا لگتا ہے کہ ہر موسم ہجراں میں بہار
ہونٹ رکھ دیتی ہے شاخوں پہ تمہارے لے کر
تج دیا تم نے در یار بھی اکتا کے فرازؔ
اب کہاں ڈھونڈنے غم خوار تمہارے جائیں