حیدر علی آتش

گل غلط لالہ غلط مہر غلط ماہ غلط
کوئی ثانی نہیں لا ثانی ہے یکتا ہے وہ رخ

مصحفی غلام ہمدانی

گرچہ اے دلِ عاشق شیدا ہے تو
لیکن اپنے کام میں یکتا ہے تو

جگر مراد آبادی

کثرت میں بھی وحدت کا تماشا نظر آیا
جس رنگ میں دیکھا تجھے یکتا نظر آیا

احسان دانش

بستر مشرق سے سورج نے اٹھایا اپنا سر
کس نے یہ محفل میں ذکر حسن یکتا کر دیا

حسرت موہانی

بے مثالی کے ہیں یہ رنگ جو باوصف حجاب
بے نقابی پر ترا جلوۂ یکتا کیا ہو

نوح ناروی

اپنے اپنے رنگ میں یکتا میں ہی میں ہوں تو ہی تو ہے
حسن کی مورت عشق کا پتلا میں ہی میں ہوں تو ہی تو ہے
یوں تو ہیں معشوق ہزاروں یوں تو ہیں لاکھوں عاشق بھی
لیکن بہتر نادر یکتا میں ہی میں ہوں تو ہی تو ہے