مرزا غالب

یاں نفس کرتا تھا روشن، شمع بزمِ بے خودی
جلوۂِ گل واں بساطِ صحبتِ احباب تھا

حیدر علی آتش

نہیں بھولا ہے جنوں میں وہ حواس اڑ جانا
یاد ہے برہمی صحبت احباب مجھے

مصطفٰی خان شیفتہ

چل دیا شیفتہ سودے میں خدا جانے کہاں
ڈھونڈتے پھرتے ہیں احباب ترے کوچے میں
نہ کرنا خطا پر نظر شیفتہ
کہ اغماض شیوہ ہے احباب کا

میر مہدی مجروح

درد الفت جو ہوتے ہی مرتے
یہ اذیت نہ کھینچتے احباب

مرزا رفیع سودا

ازبسکہ ہے آنکھوں میں خمار اس گھڑی ساقی
مے مانگے ہے تجھ سے جو ہر احباب کی گردش

شکیب جلالی

ہم نے فضول چھیڑ دی زخمِ نہاں کی بات
چپ چاپ رنگِ خندہِ احباب دیکھتے

عبید اللہ علیم

انجمن سازی ارباب ہنر کیا کہیے
ان کو وہ اور انہیں احباب اٹھا کر لے آئے

فارغ بخاری

چونا گچ دیواروں میں جھان کو تو خرابے پاؤ گے
میری طرح کتنے ہی یہاں سقراط مرے احباب میں ہیں