حیدر علی آتش

منہ دکھاؤ بہت رہی تکرار
ارنی اور لن ترانی کی
پیمبر میں نہیں عاشق ہوں جانی
رہے موسی ہی سے یہ لن ترانی
جلاتی ہے دل آتشؔ طور کی طرح
کسی پردہ نشیں کی لن ترانی

مصحفی غلام ہمدانی

میں بوسہ لے لے کے رخ کا اٹھا دیا پردہ
اسی غرور پہ کرتے تھے لن ترانی آپ

سیماب اکبر آبادی

اب تک ایمن کی وادیوں سے
آتی ہے صدائے لن ترانی

امیر مینائی

دیکھنے والوں کی آنکھیں آپ نے دیکھی نہیں
حق بجانب ہے اگر ہے لن ترانی پر گھمنڈ

نوح ناروی

اٹھا ہی دیں گے نقاب اپنی دکھا ہی دیں گے وہ اپنا جلوہ
نبھے گی کب تک یہ لن ترانی یہ لن ترانی ہے اور ہم ہیں