حیدر علی آتش

اب تو آزردہ ہے تو لیکن ملے گا ہاتھ پھر
جس گھڑی آتشؔ نکل جاوے گا پیارے شہر سے

جگر مراد آبادی

سبھی انداز حسن پیارے ہیں
ہم مگر سادگی کے مارے ہیں

حفیظ جالندھری

اسی چال سے میرے پیارے چلا چل
گزرتی ہے جیسے گزارے چلا چل
فرما گئے تھے راہ میں بیٹھ انتظار کر
آئے نہیں پلٹ کے وہ پیارے کہاں گئے

شکیل بدایونی

جنہیں ہو سکا نہ حاصل کبھی کیف قربِ منزل
وہی دو قدم ہیں مجھ کو تری جستجو سے پیارے

احمد فراز

ہم سے کہیں کچھ دوست ہمارے مت لکھو
جان اگر پیاری ہے پیارے مت لکھو

کلیم عاجز

یہ سمندر ہے کنارے ہی کنارے جاؤ
عشق ہر شخص کے بس کا نہیں پیارے جاؤ