حیدر علی آتش

کشتی تن بحرِ ہستی میں رہی برسوں تباہ
پار اسے اک دم میں اس کا ناخدا لے جائے گا

داغ دہلوی

ایسی کشتی کا ڈوبنا اچھا
کہ جو دشمن کو ناخدا کہیے

مومن خان مومن

دیکھیے کس جگہ ڈبو دے گا
میری کشتی کا ناخدا ہے عشق

قمر جلالوی

پڑے گا اور بھی کیا وقت میری کشتی پر
کہ ناخدا نہیں کہتا کہ ناخدا ہوں میں

الطاف حسین حالی

ناؤ بھر کر جہاں ڈبونی تھی
عقل کو ناخدا کیا تو نے

ظہیر کاشمیری

ہم کو تو نذر سیل ہوئے عمر ہو گئی
کشتی میں ڈھونڈتا ہے مگر ناخدا ہمیں

فارغ بخاری

سفینہ ڈوب بھی جائے تو غم نہیں فارغؔ
نہ بھول کر کبھی احسان ناخدا لینا

احمد راہی

مشکل مجھے ڈوبنا کنارے پہ بھی نہ تھا
ناحق بھنور میں لایا مرا ناخدا مجھے

تلوک چند محروم

مری ٹوٹی ہوئی کشتی تھپیڑے موجِ طوفاں کے
خدائے پاک تیرے ناخدا ہونے کا وقت آیا

حفیظ جالندھری

برسر ساحلِ مراد یہاں
کوئی ابھرا ہے ناخدا کے سوا

رسا چغتائی

جہاں موجِ حوادث چاہے لے جائے
خدا ہوں میں نہ کوئی ناخدا ہوں

عزیز حامد مدنی

لکھی ہوئی جو تباہی ہے اس سے کیا جاتا
ہوا کے رخ پہ مگر کچھ تو ناخدا جاتا
ناقوس کوئی بحر کی تہہ میں ہے نعرہ زن
ساحل کی یہ صدا تو کوئی ناخدا نہیں

فانی بدایونی

فریب امن میں کچھ مصلحت تو ہے ورنہ
سکون کشتی و توفیق ناخدا معلوم

احمد فراز

چلو یہ سیلِ بلا خیز ہی بنے اپنا
سفینہ اس کا، خدا اس کا، ناخدا اس کا
نہ کر کسی پہ بھروسا کہ کشتیاں ڈوبیں
خدا کے ہوتے ہوئے ناخدا کے ہوتے ہوئے

قیوم نظر

اقدار کے فریب میں اب آ چکا نظرؔ
کشتی ڈبو گیا جو خدا، ناخدا ہوا

کیفی اعظمی

گر ڈوبنا ہی اپنا مقدر ہے تو سنو
ڈوبیں گے ہم ضرور مگر ناخدا کے ساتھ