حیدر علی آتش

جنس گراں بہا کا خریدار کون ہے
یکتا نہیں الٰہی جو چوری ہی جاؤں میں

مصحفی غلام ہمدانی

شب میں واں جاؤں تو جاؤں کس طرح
بختِ خفتہ کو جگاؤں کس طرح

مصطفٰیٰ خان شیفتہ

آپ بھایا مجھے رونا اپنا
کہتے ہیں ہائے میں جاؤں کیوں کر

جون ایلیا

کیوں کر ہو اپنے خواب کی آنکھوں میں واپسی
کسِ طور اپنے دل کے زمانوں میں جاؤں میں

عرفان صدیقی

کون پاسکتا ہے کھوئی ہوئی خوشبو کا سراغ
کن ہواؤں سے پتا پوچھنے جاؤں تیرا
یہی رہے گا تماشا مرے چراغوں کا
ہوا بجھاتی رہے گی جلائے جاؤں گا میں

قتیل شفائی

سنتا ہوں اب کسی سے وفا کر رہا ہے وہ
اے زندگی خوشی سے کہیں مر نہ جاؤں میں
یارو کہاں تک اور محبت نبھاؤں میں
دو مجھ کو بد دعا کہ اسے بھول جاؤں میں

ناصر کاظمی

نئے کپڑے بدل کر جاؤں کہاں اور بال بناؤں کس کے لیے
وہ شخص تو شہر ہی چھوڑ گیا میں باہر جاؤں کس کے لیے