حیدر علی آتش

دور کر دل کی کدورت محو ہو دیدار کا
آئنے کو سینہ صافی نے دکھایا روئے دوست

بشیر بدر

انگنائی میں کھڑے ہوئے بیری کے پیڑ سے
وہ لوگ چلتے وقت گلے مل کے روئے تھے
سوئے کہاں تھے آنکھوں نے تکیے بھگوئے تھے
ہم بھی کبھی کسی کے لئے خوب روئے تھے

احمد فراز

جب بھی دل کھول کے روئے ہوں گے
لوگ آرام سے سوئے ہوں گے
بعض اوقات بہ مجبوریِ دل
ہم تو کیا آپ بھی روئے ہوں گے

محسن احسان

سرشک خوں سرِ مژگاں کبھی پروئے نہ تھے
ہم اتنا ہنسنے کے بعد اس طرح سے روئے نہ تھے