حیدر علی آتش

نشۂ دولت سے منعم پیرہن میں مست ہے
مرد مفلس حالت رنج و محن میں مست ہے

احسان دانش

رنج و محن نگاہ جو پھیریں تو پھیر لیں
لیکن مجھے عزیز ہیں رنج و محن ابھی
جن کے لہو سے قصر وفا میں جلے چراغ
ان غم زدوں میں عام ہیں رنج و محن ابھی

بیخود بدایونی

ان کو دماغ پرسش اہل محن کہاں
یہ بھی سہی تو ہم کو مجال سخن کہاں

حسرت موہانی

عیش گداز دل بھی غم عاشقی میں تھا
اک راحت لطیف بھی ضمن محن میں تھی
فیض محبت سے ہے قید محن
میرے لیے ایک بلائے حسن