مرزا غالب

گلیوں میں میری نعش کو کھینچے پھرو، کہ میں
جاں دادۂِ ہوائے سرِ رہگزار تھا
روندی ہوئی ہے کوکبہ شہریار کی
اترائے کیوں نہ خاک سرِ رہگزار کی

فیض احمد فیض

ترے غم کو جاں کی تلاش تھی ترے جاں نثار چلے گئے
تری رہ میں کرتے تھے سر طلب، سرِ رہگزار چلے گئے
جس کی دید و طلب وہم سمجھے تھے ہم، رو برو پھر سرِ رہگزار آ گیا
صبحِ فردا کو پھر دل ترسنے لگا، عمرِ رفتہ ترا اعتبار آ گیا

باقی صدیقی

نسیمِ صبح کی شوخی میں تو کلام نہیں
مگر وہ پھول جو پامال رہگزار ہوا
کارواں یا غبار کو دیکھا
دیر تک رہگزار کو دیکھا

مجید امجد

اے کنجِ عافیت، تجھے پا کر پتہ چلا
کیا ہمہمے تھے گرد سرِ رہگزار میں