داغ دہلوی

وعدہ کیا پھر اس پر تم نے قسم بھی کھائی
کیا بھول ہے انساں پیمان کر کے بھولے
گریہ کیا ضبط کروں اے ناصح
اشک پیمان ہوا جاتا ہے

عرفان صدیقی

میں گوشہ گیر ہوں صدیوں سے اپنے حجرے میں
مصافِ بیعت و پیمان میں نہیں آتا

جمال احسانی

اپنے لیے جو شام بچا کر رکھی تھی
وہ تجھ سے عہد و پیمان میں گزری ہے

عالم تاب تشنہ

یہ جاں سپردگی ہے اسی ایک بات پر
جو بات میرے عشق کے پیمان میں نہیں

شاذ تمکنت

دلِ شکستہ ہوئے ٹوٹا ہوا پیمان بنے
ہم وہی ہیں جو تمہیں دیکھ کے ان جان بنے

فراق گورکھپوری

ہماری ہر نظر تجھ سے نئی سوگندھ کھاتی ہے
تو تیری ہر نظر سے ہم نیا پیمان لیتے ہیں

میرا جی

کرنے اور کہنے کی باتیں کس نے کہیں اور کس نے کیں
کرتے کہتے دیکھیں کسی کو ہم بھی کوئی پیمان کریں