داغ دہلوی

چھپ کر کہاں گئے تھے وہ شب کو کہ میرے گھر
سو بار آ کے ان کا نگہبان پھر گیا
اچھی کہی کہ غیر کے گھر تک ذرا چلو
میں آپ کا نہیں ہوں نگہبان جائیے

سیف الدین سیف

ایک سے ایک ہے غارت گر ایمان یہاں
اے مرے دل ترا اللہ نگہبان یہاں
بس ایک شب کا اجالا ہے اس کے دامن میں
کہ یہ چراغ نگہبان ایک رات کا ہے

فانی بدایونی

پھر یاس نے رکھا ہے قدم خانۂ دل میں
یعنی ہے اب اللہ نگہبان تمنا

شاذ تمکنت

ان کی دوری کا بھی احساں ہے مری سانسوں پر
مجھ سے اس طرح وہ بچھڑے کہ نگہبان بنے