داغ دہلوی

دل کا سودا کر کے ان سے کیا پشیمانی ہوئی
قدر اس کی پھر کہاں جس شے کی ارزانی ہوئی

فیض احمد فیض

نہیں جاتی متاع لعل و گوہر کی گراں یابی
متاع غیرت و ایماں کی ارزانی نہیں جاتی

عبدالحمید عدم

ہوں اگر تو ہوں بھی کیا اس کے سوا
قیمتی ورثے کی ارزانی ہوں میں
مجھ سے بڑھ کر کیا کوئی ہو گا امیر
قیمتی ورثے کی ارزانی ہوں میں

عرفان صدیقی

اب کے صحرا میں عجب بارش کی ارزانی ہوئی
فصل امکاں کو نمو کرنے میں آسانی ہوئی
فقیری میں یہ تھوڑی سی تن آسانی بھی کرتے ہیں
کہ ہم دستِ کرم دنیا پہ ارزانی بھی کرتے ہیں

عبید اللہ علیم

آپ بھی کیسے شہر میں آ کر شاعر کہلائے ہیں علیمؔ
درد جہاں کم یاب بہت ہے نغموں کی ارزانی ہے

علی سردار جعفری

ہر اک شے اور مہنگی اور مہنگی ہوتی جاتی ہے
بس اک خون بشر ہے جس کی ارزانی نہیں جاتی