داغ دہلوی

میں سراپا سجدے کرتا اس کے در پر شوق سے
سر سے پا تک کیوں نہ پیشانی ہی پیشانی ہوئی
دیکھ کر قاتل کا خالی ہاتھ بھی جی ڈر گیا
اس کی چین آستیں بھی چین پیشانی ہوئی

مصحفی غلام ہمدانی

ماہِ نو ہے کس کے در کا سجدہ پاش
رک گئی ہے اس کی پیشانی صریح

عرفان صدیقی

میرے ہونٹوں سے جو سورج کا کنارہ ٹوٹا
بن گیا ایک ستارہ تری پیشانی پر
سیکھ لی کس نے مری شکرگزاری کی ادا
ریت پر ایک نشاں اور ہے پیشانی سا

غلام محمد قاصر

منجمد سجدوں کی یخ بستہ مناجا توں کی خیر
آگ کے نزدیک لے آئی ہے پیشانی مجھے