داغ دہلوی

جانے نہ دوں گا آپ کو بے فیصلہ ہوئے
دل کے مقدمے کو ابھی چھان جائیے

عرفان صدیقی

میں سمندر ہوں، نہ تو میرا شناور ، پیارے
تو بیاباں ہے نہ میں خاک تری چھان سکوں

شاد عظیم آبادی

آرام طلب ہونے کا گماں جویا پہ ترے لاحول ولا
تب پاؤں کو توڑے بیٹھا ہوں جب دشت و جبل کو چھان لیا
بہ قدر حوصلہ صحرائے وحشت چھان لیتے ہیں
مسافر ہیں سفر کے واسطے سامان لیتے ہیں
کدورت تاکہ رہ جائے سب اپنے دامنِ تر میں
شراب شوقِ ہم پینے کے پہلے چھان لیتے ہیں
خرابات جہاں میں کون ہے دل سوز ساقی سا
اگر ترچھٹ بھی دینا ہے تو تجھ کو چھان کر دے گا

فراق گورکھپوری

نگاہ بادہ گوں یوں تو تری باتوں کا کیا کہنا
تری ہر بات لیکن احتیاطاً چھان لیتے ہیں

قتیل شفائی

پربت پربت گھوم چکا ہوں صحرا صحرا چھان رہا ہوں
ہر منزل کے حق میں لیکن کافر کا ایمان رہا ہوں