داغ دہلوی

عرصۂِ حشر میں وہ آ پہنچے
صاف میدان ہوا جاتا ہے

مصحفی غلام ہمدانی

روندا اسے تمام مرے رخش کلک نے
سودا سے بچ رہا تھا جو میدان شاعری

شکیب جلالی

میں جو پربت پر چڑھا‘ وہ اور اونچا ہو گیا
آسماں جھکتا نظر آیا مجھے میدان پر
بس چلے تو اپنی عریانی کو اس سے ڈھانپ لوں
نیلی چادر سی تنی ہے جو کھلے میدان پر

عرفان صدیقی

عرفانؔ، بزم بادہ و گل تھی زمین شعر
تم نے تو اس کو حشر کا میدان کر دیا
ہو گا یہاں نہ دست و گریباں کا فیصلہ
اس کے لیے تو حشر کا میدان چاہیے
مجھے بھی حکم نہیں شہر سے نکلنے کا
مرا حریف بھی میدان میں نہیں آتا

فانی بدایونی

سب منزلیں ہوئیں طے محشر ہے اور اے دل
یہ ایک رہ گیا ہے میدان رہ نہ جائے

افضل منہاس

کیا قیامت ہے کہ کوئی پوچھنے والا نہیں
زندگی تنہا کھڑی ہے حشر کے میدان میں