داغ دہلوی

جہاں تیرے جلوہ سے معمور نکلا
پڑی آنکھ جس کوہ پر طور نکلا

مصحفی غلام ہمدانی

کرتا ہے ہمیں منع تو پیمانہ کشی سے
پیمانہ تری عمر کا معمور ہو اے شیخ

اختر شیرانی

تمہارے نور سے معمور ہے دل
عجب کیا ہے کہ رشک طور ہے دل
دو عالم کو بھلا دیں کیوں نہ اخترؔ
کہ اس کی یاد سے معمور ہے دل
نہیں زندگی کو وفا ورنہ اخترؔ
محبت سے دنیا کو معمور کر دوں

سیماب اکبر آبادی

تم نے ہمارے ظرف نظر پر نہ کی نگاہ
سارے جہاں کو حسن سے معمور کر دیا