داغ دہلوی

مجھ سے نظر ملا کے تم ابرو میں بل نہ دو
سیدھا چلے گا تیر نہ ٹیڑھی کمان سے
عذر ان کی زبان سے نکلا
تیر گویا کمان سے نکلا

مصحفی غلام ہمدانی

آگے کچھوے کی کماں کے قدر کیا اس کی رہی
تھی فرید آبادی اپنی گو کمان ریختہ
دھنک سے سرمے کی چلہ ہے تا بہ گوشۂ چشم
کوئی ہے صید جو پھر زہ ہوئی کمان نگاہ

مرزا رفیع سودا

قد زاہد نظر میں چلے بعد
اتری سی کچھ کمان پڑتی ہے

یگانہ چنگیزی

جان لیوا ہے یہ چڑھی تیوری
یہ کشش کس کمان میں آئی

جون ایلیا

ہائے وہ ناوک گزارش رنگ
جس کی جنبش کمان میں گزری