مرزا غالب

بعد یک عمرِ ورع بار تو دیتا بارے
کاش رضواں ہی درِ یار کا درباں ہوتا
اگا ہے گھر میں ہر سو سبزہ ، ویرانی تماشہ کر
مدار اب کھودنے پر گھاس کے ہے ، میرے درباں کا
واں گیا بھی میں تو ان کی گالیوں کا کیاجواب؟
یاد تھیں جتنی دعائیں صرفِ درباں ہو گئیں
پھر جی میں ہے کہ در پہ کسی کے پڑے رہیں
سر زیر بارِ منتِ درباں کیے ہوئے

قمر جلالوی

جب لطف ہو جنوں تو کہیں زنداں سے لے اڑے
وہ ڈھونڈتے پھریں مجھے درباں کے ساتھ ساتھ

حسرت موہانی

خوب دوزخ کی مصیبت سے بچے ہم حسرتؔ
اس کا داروغہ وہی یار کا درباں نکلا

شاد عظیم آبادی

ہم تو کیا چیز ہیں جبریل تو جا لیں ان تک
روک لیتا ہے فرشتوں کو بھی درباں ان کا

شبلی نعمانی

ہم تو پہنچے بزم جاناں تک مگر
شکوۂ بیداد درباں رہ گیا