داغ دہلوی

زندہ ہے نام شہادت کا اسی کے دم سے
تیرے کشتہ نے کیا کام مسیحائی کا

عرفان صدیقی

کچھ تو ہو جو تجھے ممتاز کرے اوروں سے
جان لینے کا ہنر ہو کہ مسیحائی ہو

عبید اللہ علیم

آؤ تم ہی کرو مسیحائی
اب بہلتی نہیں ہے تنہائی

حفیظ جالندھری

ہاں بڑے شوق سے شمشیر کے اعجاز دکھا
ہاں بڑے شوق سے دعوائے مسیحائی کر
اپنے بیمار کی یہ آخری امید بھی دیکھ
ملکُ الموت سے کہتا ہے مسیحائی کر

شبلی نعمانی

آنکھیں قاتل سہی پر زندہ جو کرنا ہوتا
لب پہ اے جان تو اعجاز مسیحائی تھا

احمد فراز

کیا خبر تجھ کو کہ کس وضع کا بسمل ہے فراز
وہ تو قاتل کو بھی الزامِ مسیحائی دے