داغ دہلوی

مان کر دل کا کہا پچھتائے ہم
عمر بھر کو اب نصیحت ہو گئی

مصطفٰی خان شیفتہ

ان کی باتیں اس نے بھی چھپ کر سنیں
آج ناصح کو نصیحت ہو گئی

جمال احسانی

عشق میں خود سے محبت نہیں کی جا سکتی
پر کسی کو یہ نصیحت نہیں کی جا سکتی

حسرت موہانی

غرق سرور و سور مجھے پا کے دفعتاً
ناصح سے ترک مے کی نصیحت نہ ہو سکی

امیر مینائی

اس کو سمجھاتے نہیں جا کے کسی دن ناصح
روز آتے ہیں مجھ ہی کو یہ نصیحت کرنے

قتیل شفائی

بھولا نہیں میں آج بھی آداب جوانی
میں آج بھی اوروں کو نصیحت نہیں کرتا