داغ دہلوی

اس کی مژگاں پر ہوا قربان دل
تیر تکوں پر قناعت ہو گئی

شیخ ابراہیم ذوق

نہ شکایت ہے کرم کی نہ ستم کی خواہش
دیکھ تو ہم بھی ہیں کیا صبر و قناعت والے

بشیر بدر

ان کے چہرے چاند تاروں کی طرح روشن رہے
جن غریبوں کے یہاں حسن قناعت ہے بہت

بیان میرٹھی

ریگ ہوں چاہیے دریائے شراب
میکدے پر نہ قناعت ہوگی
سلاطیں کو نہیں پاتا مزاج ان کے فقیروں کا
کہ عنقائے فلک پرواز ہے قاف قناعت کا

زہرا نگاہ

دستِ طلب کچھ اور بڑھاتے ہفت اقلیم بھی مل جاتے
ہم نے تو کچھ ٹوٹے پھوٹے جملوں ہی پہ قناعت کی

حسرت موہانی

پستی حوصلۂ شوق کی اب ہے یہ صلاح
بیٹھ رہئے غم ہجراں پہ قناعت کر کے
لطف مزید کی میں تمنا تو کر سکا
تم یہ تو کہہ سکے کہ قناعت نہ ہو سکی

شکیل بدایونی

ہستی کے تلاطم میں پنہاں تھے عیش و طرب کے دھارے بھی
افسوس ہمی سے بھول ہوئی اشکوں پہ قناعت کر بیٹھے

اقبال ساجد

کوئی میٹھے پھلوں کی آس میں کیوں تلخ دن کاٹے
کسے فرصت ہے ساجدؔ آج کل صبر و قناعت کی