داغ دہلوی

ہوا ہوں اس قدر محجوب عرضِ مدعا کر کے
کہ اب تو عذر بھی شرمندگی سے ہو نہیں سکتا

مصحفی غلام ہمدانی

سراسر خجلت و شرمندگی ہے
ہماری بھی بھلا کیا زندگی ہے

شکیل بدایونی

وہ وقت بھی خدا نہ دکھائے کبھی مجھے
ان کی ندامتوں پہ ہو شرمندگی مجھے

شاذ تمکنت

ترے بغیر زمانے کو منہ دکھا نہ سکوں
یہ زندگی کہیں شرمندگی نہ بن جائے

قتیل شفائی

بہ مجبوری مقدر کے افق سے جھانکنے والے
تری آنکھوں میں اک شرمندگی محسوس کرتا ہوں

محسن احسان

بام و در کو دیکھتی رہتی ہیں میری حسرتیں
کون چسپاں کر گیا شرمندگی دیوار پر