داغ دہلوی

اب تک تو جو قسمت نے دکھایا وہی دیکھا
آئندہ ہو کیا نفع و ضرر دیکھ رہے ہیں

شیخ ابراہیم ذوق

فائدہ دے ترے بیمار کو کیا خاک دوا
اب تو اکسیر بھی دیجے تو ضرر دیتی ہے

مصحفی غلام ہمدانی

پھر نہیں ملنا ترا مشکل میاں
جاں کا گر اپنی ضرر کیجیے
ہم نے اسے اپنا سود جانا
پہنچا بھی اگر ضرر خدا سے

مومن خان مومن

رشک دشمن کا فائدہ معلوم
مفت جی کا ضرر نہ ہو جائے

میر مہدی مجروح

اگر جاتی ہے جاں ملتا ہے جاناں
ہمیں تو نفع افزوں ہے ضرر سے

مرزا رفیع سودا

نفع کو پہنچا یہ تجھے دے کے دل
جان کا اپنی میں ضرر کر گیا

جون ایلیا

طاری ہو مجھ پہ کون سی حالت مجھے بتاؤ
میرا حساب نفع و ضرر کس کے پاس ہے

عبدالحمید عدم

ذرا آگے چلو گے تو اضافہ علم میں ہو گا
محبت پہلے پہلے بے ضرر محسوس ہوتی ہے

عرفان صدیقی

ہم نہ دیکھیں گے تو یہ منظرِ بدل جائیں گے کیا
دیکھنا ٹھہرا تو کیا نفع و ضرر آنکھوں کا ہے